Rue du Fossé (Gruef) - sans voitures - Make it permanent
D’Rue du Fossé ass säit August fir den Duerchgangsverkéier gespaart! Aktuell ass et absurd vun enger Foussgängerzone ze schwätze well et fueren nach permanent Autoen duerch d’Rue du Fossé, an dat trotz Spärung.
Foussgänger beweegen sech weider hin just um Trottoire an als Vëlosfuerer muss een ëmmer mol erëm engem entgéint kommenden Auto Plaz maachen!
Mir begréissen et a freeën eis, datt d’Stad Lëtzebuerg gewëllt ass d’Strooss weiderhi fir den Duerchgangsverkéier ze spären. Rue du Fossé soll net länger ee Gruef bléiwen, deen duerch den Autosverkéier verursaacht gëtt. Duerch dës permanent Spärung kritt de Stadkär eng nach méi héich Liewensqualitéit an Attraktivitéit. An onsen Aa stellt d’Rue du Fossé awer och eng immens wichteg Vëlosverbindung tëscht dem Kierchbierg (Vëlospist Rout Bréck) an der Gare (Vëlospist op der Passerelle) duer.
Dofir treffe mir eis den Dënschden den 20. Oktober ab 16h an der Rue du Fossé fir ze weise wéi wichteg dës permanent Spärung ass! Kommt och dir deen Dag tëscht 16 an 18 Auer zu Fouss oder um Vëlo an d’Rue du Fossé a weist datt mir als Foussgänger a Vëlosfuerer méi Plaz an eiser schéiner Stad brauchen an eng permanent Spärung vun der Rue du Fossé e gudde Schrëtt an déi richteg Richtung ass!
All zesumme fir ee gemeinsaamt Ziel: Autofräie Stadkär!